निर्वाचन सुधारका लागि प्यालेस्टिनी राष्ट्रपति अब्बास प्रतिवद्ध

रामल्लाह । प्यालेस्टिनी राष्ट्रपति महमुद अब्बासले आफ्नो पार्टीको सम्मेलनलाई सम्बोधन गर्ने क्रममा प्यालेस्टिनी प्राधिकरणभित्रको सुधारलाई अघि बढाउने र लामो समयदेखि ढिलाइ भएको राष्ट्रपति र संसदीय चुनाव गर्न तयारी थाल्ने प्रतिबद्धता व्यक्त गरेका छन् ।

मतदानको लागि समयसीमा नतोकिकन राष्ट्रपति अब्बासले भने, ‘हामीले प्रतिज्ञा गरेका सबै सुधारका उपायहरू कार्यान्वयन गर्ने कामलाई निरन्तरता दिन हामी हाम्रो पूर्ण प्रतिबद्धतालाई दोहोर्याउछौँ । हामी राष्ट्रपति र विधायिका चुनाव गर्न तयार छौँ।’

भ्रष्टाचार, राजनीतिक स्थिरता र प्यालेस्टिनीहरूमा निकायको घट्दो वैधताको व्यापक आरोपको बीचमा अब्बास र प्यालेस्टिनी प्राधिकरणलाई संयुक्त राज्य अमेरिका, युरोपेली सङ्घ र अरब राज्यहरूबाट सुधारहरू लागू गर्न र चुनाव गराउन बढ्दो दबाब छ ।